kab thehrey ga dard aye dil, kab raat basar ho gi
suntey thhey woh aayein ge, suntey thhey sehr ho gi
kab jaan lahu ho gi, kab ashk gohar ho ga
kis din teri shunwa'i aye deeda e tar ho gi
kab mehke gi fasl e gul, kab behke ga maikhana
kab subh e sukhan ho gi, kab shaam e nazar ho gi
wa'ez hai na zahid hai, naaseh hai na qaatil hai
ab shehr mein yaaron ki kis tarh basar ho gi?
kab tak abhi raah dekhein aye qaamat e jana'na
kab hashr mo'ayeeyan hai tujh ko toh khabar ho gi
- faiz
No comments:
Post a Comment