fana o baqa

chup chaap rahey dekhte tumhari janab mein
ghairon pe nazr e kar'm rahi lutf e shabab mein

safaid o syah ki bheer mein utthi yeh ik sada
koi toh ho jo rung bharey dil ki kitab mein

gar zindagi k taar ulajh jayein bhi toh kya
likh do tamam uljhanein meray hisaab mein

aayeenay ka aks fareb o makar na ho
kabhi rung apna dekh aks e sharaab mein

keh ker k haal e dil woh muntazir rahey
k hum bhi kahein unhi ka qaseeda jawab mein

Ghalib ki pairvi mein hoon shaida e yaar e dost
mashghool e haq hoon bandagi e Bu Turab mein